काठमाडौं । कामना सेवा विकास बैंकले आफ्नो १६ औँ वार्षिक साधारणसभा बोलाएको छ ।
वैशाख ४ गते बसेको बैंक सञ्चालक समितिको बैठकको निर्णयअनुसार बैंकको सभा वैशाख ३१ गते काठमाडौंको बौद्ध सिमलटारस्थित सिद्धार्थ बुटिक होटेलमा बिहान ११ः३० बजेबाट सुरु हुनेछ।
सभाले आर्थिक वर्ष २०७८/७९का लागि प्रस्तावित चुक्तापुँजीको ४.४१ प्रतिशत बोनस सेयर र कर प्रयोजनार्थ ०.२३२१ प्रतिशत नगद लाभांश गरी कुल ४.६४२१ प्रतिशत लाभांश वितरण गर्ने प्रस्ताव पारित गर्नेछ । साथै ,सभाले सो आर्थिक वर्षको वार्षिक तथा लेखापरीक्षकको प्रतिवेदन पनि स्वीकृत गर्नेछ।
लाभांश र वार्षिक साधारणसभा प्रयोजनार्थ बैंकले वैशाख १५ गते एक दिन बुकक्लोज गर्ने निर्णय गरेको छ। यसको अर्थ वैशाख १४ गतेसम्म नेप्सेमा कायम सेयरधनीहरुले मात्रै लाभांश पाउन र सभामा सहभागि हुन सक्नेछन् ।
वि.सं.२०८० वैशाख ५ मंगलवार १४:४० मा प्रकाशित