काठमाडौं । युनियन लाइफ इन्स्योरेन्सले व्यतित बीमालेख नविकरण गर्दा त्यसमा लाग्ने व्याज छुट दिन भएको छ । कम्पनीले नविकरण शुल्क भुक्तानी नगरी दुई वर्ष अघि देखि व्यतित भएका बीमालेखहरुको नविकरण गर्दा लाग्ने बिलम्ब शुल्कमा छुट दिन भएको हो ।
कम्पनीले आज बैशाख ६ गतेदेखि २० गते सम्मका लागि व्यतित बीमालेख नविकरण गर्दा शत प्रतिशत व्याज छुट दिने जनाएको छ । पूनर्जागरण भएका बीमालेखहरु अन्तर्गत जोखिम बहन हुने र कम्पनीबाट प्रदान गरिने बोनस समेत प्राप्त हुने कम्पनीले जनाएको छ ।
कम्पनीले बीमालेख पूनर्जागरण गराउँदा बीमा अवधि भरी एक पटक मात्रै व्याज छुटको सुविधा प्राप्त गर्न सकिने पनि जनाएको छ । साथै पुनर्जागरण भएका बीमालेखहरु अन्तर्गत जोखिम वहन हुने कम्पनीबाट प्रदान गरिने बोनश समेत प्राप्त हुने जानकारी कम्पनीले दिएको छ ।
सो सम्बन्धी जानकारीका लागि कम्पनीको कर्पोरेट तथा नजिकको शाखा तथा उप शाखा कार्यालयहरुमा सम्पर्क गर्न आग्रह गरेको छ ।
वि.सं.२०८० वैशाख ६ बुधवार १३:०४ मा प्रकाशित