काठमाडौं । नयाँ स्टक एक्सचेञ्जका लागि हिमालयन स्टक एक्सचेञ्जले नेपाल धितोपत्र बोर्डमा आवेदन दिएको छ । धितोपत्र बोर्डका अनुसार हिमालयन स्टक एक्सचेन्जले शुक्रबार आवेदन दिएको हो ।
सर्वोच्च अदालतले अर्को स्टक स्थापनाका लागि बाटो खोलिदिएपछि धितोपत्र बोर्डले आवेदन माग गरेको छ । बोर्डले दिएको समय आइतबार सकिँदैछ । इदका कारण आइतबार सार्वजनिक बिदा भए सोमबारसम्म आवेदन दिन पाइन्छ ।
बोर्डले गत बिहीबार सूचना जारी गर्दै नयाँ स्टक एक्सचेञ्ज र वस्तु विनिमय बजार कम्पनी स्थापनाका लागि १० दिनको समय दिँदै इच्छुकसँग आवेदन माग गरेको थियो ।
वि.सं.२०८० वैशाख ८ शुक्रवार १७:४० मा प्रकाशित
