निरज कार्की, काठमाडौं । नेपाल राष्ट्र बैंकले बचत खातामा रहेको निक्षेपको ब्याजदर अन्तर २ प्रतिशत विन्दुले मात्रै राख्न सुझाएको छ । राष्ट्र बैंकले आज वित्तीय जानकारीको लागि भन्दै एक सूचना जारी गरेर बचत खाताको निक्षेपको ब्याजदर २ प्रतिशत विन्दुभन्दा बढीले फरक नपार्न सुझाएको हो ।
राष्ट्र बैंकले बचत खातामा दिने ब्याजदरको अन्तर २ प्रतिशत विन्दुभन्दा बढीले फरक नराख्न भन्दै नयाँ खाताको विकास गर्दा पुरानो खाताको ब्याजदर अत्यन्तै कम भयो भने आम गुनासोलाई सम्बोधन गर्न राष्ट्र बैंकले यस्तो निर्देशन दिएको हो ।
बैंक तथा वित्तीय संस्थाले विविध प्रकारका बचत खाताका विकल्प प्रदन गर्दै आएका हुन्छन् । यी सबै बचत खाताको ब्याजदर परिवर्तन गर्दा वा नयाँ बचत खाताको विकास गर्दा सबै प्रकारका बचत खाताको ब्याजदर सोही बमोजिम समायोजन अर्थात बढ्दा सबैंको बढ्ने र घट्दा सबैको घट्ने व्यवस्था गर्न राष्ट्र बैंकले भनेको हो ।
वि.सं.२०८० वैशाख १२ मंगलवार १३:५२ मा प्रकाशित