काठमाडौं । मर्जर प्रकृयामा रहेका आइएमई जनरल र प्रुडेन्सियल इन्स्योरेन्स कम्पनीको एकीकृत कारोबारको मिति तय भएको छ । दुई कम्पनी एकीकृत कारोबार बैशाख २७ गतेबाट गर्ने निर्णय गरेको हो ।
दुई कम्पनीलाई बैशाख १३ गते सेबोनले एकआपसमा मर्ज गर्न अन्तिम सहमति प्रदान गरेको हो । यी दुई कम्पनीबीचको मर्जरलाई नियामक निकाय नेपाल बीमा प्राधिकरणले चैत २६ गते अन्तिम स्वीकृति प्रदान गरेको छ । दुबै कम्पनीले ‘आइजीआई प्रुडेन्सियल इन्स्योरेन्स’को नामबाट आगामी वैशाख २७ गते देखि एकीकृत कारोबार सुरु गर्ने निर्णय गरेको छ ।
दुई कम्पनीबीच भएको सहमतिअनुसार मर्जरपछि बन्ने कम्पनीको अध्यक्ष र सिइओ दुवै आइएमई जनरल इन्स्योरेन्सका हुनेछन् । यससँगै नयाँ कम्पनीको अध्यक्ष हेमराज ढकाल र सिइओ युगेश भक्त बादे श्रेष्ठ नै बन्नेछन् । त्यस्तै, श्रवण रावल वरिष्ठ नायब प्रमुख कार्यकारी अधिकृत (सिनियर डिसिइओ) बन्नेछन् ।
वि.सं.२०८० वैशाख १७ आइतवार १७:१० मा प्रकाशित