काठमाडौं । मोदी ईनर्जी लिमिटेडले आइपीओ बाँडफाँडको मिति तय गरेको छ । बिक्री प्रबन्धक सनराइज क्यापिटल लिमिटेडका अनुसार बैशाख २७ गते बुधबार प्रिलटमेन्ट सम्पन्न भएको र बैशाख ३१ गते आइतबार बाँडफाँड गर्ने तयारी गरेको छ ।
कम्पनीको आइपीओमा अन्तिम दिनसम्म बैशाख २४ गतेसम्म १२ लाख ८६ हजार ६२३ जना आवेदकले १ करोड ४३ लाख १२ हजार ९८० कित्ताका लागि आवेदन परेको हो ।
यो सर्वसाधारणलाई छुट्टाएको ५५ लाख ५९ हजार ४२० कित्ता शेयरको २.५७ गुणा बढी हुन्छ ।
माग भन्दा बढी आवेदन परेको हुदाँ कम्पनीको आइपीओ गोलाप्रथाबाट बाँडफाँड हुनेछ । जसमा अन्तर्गत ५ लाख ५५ हजार ९४२ जना आवेदकले १०/१० कित्ता सेयर पाउनेछन् ।
कम्पनीले कम्पनीका कर्मचारीलाई १ लाख २८ हजार ९ सय १० कित्ता, र सामुहिक लगानी कोष योजनाहरुलाई ३ लाख २२ हजार २ सय ८० कित्ता सुरक्षित गरि सर्वसाधारणलाई ५५ लाख ५९ हजार ४२० कित्ता सेयर निष्काशन गरेको थियो ।
कम्पनीले यस अघि आयोजना प्रभावित स्थानीय र श्रम स्वीकृति लिई विदेशमा कार्यरत नेपाली श्रमिकको लागि आईपीओ निष्काशन गरि बाँडफाँड गरिसकेको छ ।
वि.सं.२०८० वैशाख २८ बिहीवार १४:३२ मा प्रकाशित
