काठमाडौं । ज्योति विकास बैंकले बोनस सेयर सम्बन्धित शेयरधनीहरुको हितग्राहि खातामा जम्मा गरिदिएको छ ।
बैंकको २०७९ फागुन १४ गते सम्पन्न १५औं वार्षिक साधारण सभाबाट चुक्ता पूँजीको ३ प्रतिशत बोनश शेयर प्रदान गर्ने प्रस्ताव पारित भए बमोजिम सो बोनश शेयर सम्बन्धित शेयरधनीहरुको खातामा जम्मा गरेको हो । बैंकले २०७९ माघ २८ गतेसम्म सेयर अभौतिकिकरण गरेका सेयरधनीहरुको बोनस सेयर हितग्राही खातामा जम्मा गरिएको जनाएको छ ।
सो मिति पश्चात सेयर अभौतिकीकरण गराएका सेयरधनीहरुको हकमा क्रमशः बोनस सेयर जम्मा गरिने हुँदा हालसम्म भौतिक रुपमा शेयर धारण गरेका शेयरधनीहरुको हकमा शेयर अभौतिकरण भएपश्चात सम्बन्धित हितग्राहि खातामा बोनश शेयर जम्मा गरिने कम्पनीले जनाएको छ ।
वि.सं.२०८० जेठ १ सोमवार १२:१३ मा प्रकाशित