काठमाडौं । साताको तेस्रो कारोबार दिन सेयर बजारमा सामान्य अंकले बढेको छ । उक्त दिन बजार ३.२९ अंकले बढेर १८२१ को विन्दुमा कायम हुन पुगेको हो ।
उक्त दिन ६४ करोड १ लाख १७ हजार रुपैंया बराबरको कारोबार भएको छ । आज नेप्सेमा कारोबार भएको २६९ कम्पनीको २० लाख ६३ हजार ७३७ कित्ता सेयर किनबेच भएको छ । आज नेप्सेमा रहेको ११ वटा उपसूचकमा हरियाली छाएको छ ।
उक्त दिन सबैभन्दा बढी एनआइसी एशिया बैंकको कारोबार भएको छ । आज कम्पनीको ५ करोड १ लाख ४६ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्ट्सको २ करोड ८८ लाख ९२ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन नबील बैंकको २ करोड १६ लाख ८५ हजार रुपैयाँ, नेपाल इन्स्योरेन्सको १ करोड ६७ लाख १ हजार रुपैयाँ र हिमालयन बैंकको १ करोड ६४ लाख ३४ हजार रुपैयाँको कारोबार भएको हो ।
वि.सं.२०८० जेठ २ मंगलवार १५:०७ मा प्रकाशित
