काठमाडौं । कृषि विकास बैंक लिमिटेडले आफ्ना सेयरधनीलाई लाभांश वितरण सुरु गरेको छ ।
कम्पनीको चैत १४ गते सम्पन्न १६औं वार्षिक साधारण सभाबाट पारित भएको २ प्रतिशत बोनस सेयर नेप्सेमा सूचीकृत गराई सेयरधनीहरुको डिम्याट खातामा जम्मा पठाएको हो ।
२०७९ फागुन २९ गतेसम्म सेयर अभौतिकीकरण गराएका सेयरधनीहरुको बोनस सेयर सम्बन्धीत हितग्राही खातामा जम्मा गरेको जनाएको छ । सो मिति पश्चात सेयर अभौतिकीकरण गराएका सेयरधनीहरुको हकमा क्रमशः सेयर जम्मा हुने छ ।
हालसम्म सेयर अद्यावधिक नगराएका सेयरधनीहरुले अद्यावधिक गराएपछि मात्र लाभांश जम्मा गर्ने भएको हुँदा खाता अद्यावधिक गर्ने कम्पनीले भनेको छ ।
वि.सं.२०८० जेठ ७ आइतवार १२:३९ मा प्रकाशित