काठमाडौं । नेपाल बैंकर्स संघका अध्यक्ष सुनिल केसीले ब्याजदर अझै घट्ने बताएका छन् । संघले आज आयोजना गरेको पत्रकार सम्मेलनमा अध्यक्ष केसील यस्तो निर्णय गरेको बताएका हुन् । ‘तरलता सहज हुँदैछ, ब्याजदर अझै घट्छ,’ उनले भने ।
उनले राष्ट्र बैंकले स्प्रेडदर असार मसान्तमा ४ प्रतिशतमा घटाउने नीति लिएको हुँदा कर्जाको ब्याजदर घट्ने देखिएको जानकारी दिए । साथै, गत पुसमा १०.९१ प्रतिशतको उच्चतम विन्दुमा पुगेको आधार दर क्रमशः घटेर चैतसम्म १०.४८ प्रतिशत पुगेकाले कर्जाको ब्याजदर पनि सस्तिने उनको तर्क छ ।
त्यस्तै, उनले बैंक वित्तीय संस्थाको पुँजी पर्याप्त अनुपात कसिलो हुँदै गएकाले कर्जा विस्तार घटेको बताए । ‘बैंक तथा वित्तीय संस्थाको लागत बढ्दा नाफा पनि घट्दो क्रममा छ,’ उनले भने ।
उनले सरकारको खर्च बढ्दा निक्षेप बढ्ने आशा रहेको बताए । तरलता सहज अवस्थामा रहेको र कर्जाको तुलनामा निक्षेपको दर बढेको उनी बताए । ‘खराब कर्जा पनि अब कम हुने अपेक्षा छ, तेस्रो त्रैमासमा ३.०३ थियो,’ उनले भने ।
वि.सं.२०८० जेठ ८ सोमवार २०:२७ मा प्रकाशित
