काठमाडौं । आज जेठ १० गते बुधबार नेशनल लाइफ इन्स्योरेन्स कम्पनीको लाभांश सुरक्षित गर्ने अन्तिम दिन रहेको छ । कम्पनीले साधारण सभा तथा लाभांश वितरण प्रयोजनका लागि भोली जेठ ११ गते बुकक्लोज गर्ने भएको छ ।
यसकारण आजसम्म कायम रहेका शेयरधनीहरुले मात्रै सभामा उपस्थित हुन र प्रस्तावित लाभांश पाउनेछन् ।
कम्पनीले आर्थिक वर्ष २०७८/२०७९ को नाफाबाट ८ प्रतिशत बोनस र कर प्रयोजनका लागि ६.५० प्रतिशत नगद लाभांश गरी जम्मा १४.५० प्रतिशत लाभांश वितरण गर्ने भएको छ ।
सोही लाभांश पारित गर्न नेशनल लाइफको ३५औं वार्षिक साधारण सभा यहि जेठ २२ गते बस्दैछ । सभा नेशनल लाइफ भवन, केन्द्रीय कार्यालय, लाजिम्पाट काठमाडौंमा बिहान १०ः३० बजे सुरु हुनेछ ।
वि.सं.२०८० जेठ १० बुधवार ०६:५९ मा प्रकाशित