काठमाडौं । त्रिभुवन विश्वविद्यालय मातहतका क्याम्पसहरुमा जेठ १६ गतेबाट बर्खे बिदा दिने निर्णय गरेको छ ।
विश्वविद्यालय कार्यकारी परिषद्को सोमबार बसेको बैठकले त्रिविका आङ्गिक क्याम्पस, केन्द्रीय विभाग तथा विभागहरूमा पूर्वव्यवस्था अनुसार बर्खे बिदा गर्ने निर्णय गरेको हो ।
त्रिभुवन विश्वविद्यालय, रजिस्टारको कार्यालय सूचना तथा जनसम्पर्क महाशाखाले एक सूचना जारी गर्दै शिक्षक, कर्मचारी र विद्यार्थीहरूलाई यस वर्षको बर्खे बिदा आआफ्नो निकायको अनुकुलता (परीक्षा कक्षा सञ्चालन आदि अवस्था) मध्यनजर गरी जेठ १६ गते उप्रान्त बढीमा २० दिनसम्म दिन सकिने जानकारी दिएको छ ।
वि.सं.२०८० जेठ ११ बिहीवार १८:०२ मा प्रकाशित