काठमाडौं । बुधबार सेयर बजारमा दोहोरो अंकको गिरावट आएको छ । उक्त दिन बजार ३८.८३ अंकले घटेर १८४९ को विन्दुमा कायम हुन पुगेको हो ।
उक्त दिन २ अर्ब ३१ करोड ५१ लाख ६९ हजार रुपैंया बराबरको कारोबार भएको छ । आज नेप्सेमा कारोबार भएको २६२ कम्पनीको ८७ लाख ३६ हजार १२८ कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै भएको छ ।
सेयर बजारमा गिरावट आउँदा यूनिलिभर नेपालको सेयरमा नकरात्मक सर्किट लाएको छ । कम्पनीको सेयर मूल्य १० प्रतिशतले घटेको छ । त्यसैगरी एसियन हाइड्रोपावरको ९.७५ प्रतिशत, यूनिक नेपाल लघुवित्तको, ८.३५ प्रतिशत, दोर्दी खोला जलविद्युतको ६.४२ प्रतिशतले सेयर मूल्य घटेको छ ।
वि.सं.२०८० जेठ १७ बुधवार १५:२२ मा प्रकाशित
