काठमाडौं । बुधबार सेयर बजारमा दोहोरो अंकको गिरावट आएको छ । उक्त दिन बजार ३८.८३ अंकले घटेर १८४९ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी प्रभु बैंक लिमिटेडको प्रमोटर सेयरको कारोबार भएको छ । आज कम्पनीको ३४ करोड २८ लाख १६ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्ट्सको ११ करोड ६५ लाख ३६ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन स्टान्डर्ड चार्टड बैंकको ६ करोड ५१ लाख ७१ हजार रुपैयाँ, एनआइसी एशिया बैंकको ६ करोड ६ लाख ६९ हजार रुपैयाँ र तारागाउँ रिजेन्सी होटल्सको ४ करोड ९७ लाख १७ हजार रुपैयाँको कारोबार भएको हो ।
वि.सं.२०८० जेठ १७ बुधवार १५:१३ मा प्रकाशित