काठमाडौं । जाल्पा सामुदायिक लघुवित्त वित्तीय संस्था लिमिटेडको लाभांश सुरक्षित गर्ने आज अर्थात जेठ २२ गते अन्तिम दिन रहेको छ ।
संस्थाले साधारण सभा तथा लाभांश वितरण प्रयोजनका लागि भोलि जेठ २३ गतेदेखि बुकक्लोज गर्ने भएको छ । त्यसकारण, आजसम्म नेप्सेमा कारोबार भई कायम भएका शेयरधनीहरूले मात्र लाभांश प्राप्त गर्न र साधारण सभामा भाग लिन सक्नेछन् ।
लघुवित्तले १४.२५ प्रतिशत बोनस सेयर र कर प्रयोजनार्थ ०.७५ प्रतिशत नगद लाभांश गरी जम्मा १५ प्रतिशत लाभांश प्रस्ताव गरेको छ ।
सोही लाभांश पारित गर्न संस्थाको चौथो वार्षिक साधारण सभा असार ४ गते रुपन्देहीको द एसआर होटेलमा हुनेछ ।
वि.सं.२०८० जेठ २२ सोमवार ११:१८ मा प्रकाशित
