काठमाडौं । सोमबार सेयर बजारमा गिरावट आएको छ । उक्त दिन बजार १७.३८ अंकले घटेर १९०१ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी शिभम् सिमेन्ट्सको कारोबार भएको छ । आज कम्पनीको १९ करोड ८९ लाख ५६ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको आइजीआई प्रुडेन्सियल इन्स्योरेन्सको ९ करोड ९८ लाख ४५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन चिलिमे हाइड्रोपावरको ९ करोड १९ लाख ४२ हजार रुपैयाँ, सानिमा माई हाइड्रोपावरको ७ करोड ४७ लाख ६७ हजार रुपैयाँ र सोल्टी होटलको ७ करोड ३० लाख ६५ हजार रुपैयाँको कारोबार भएको हो ।
वि.सं.२०८० जेठ २२ सोमवार १५:१४ मा प्रकाशित