काठमाडौ । सोमबार सेयर बजारमा गिरावट आएको छ । उक्त दिन बजार १७.३८ अंकले घटेर १९०१ को विन्दुमा कायम हुन पुगेको हो ।
उक्त दिन १ अर्ब ९७ करोड ३४ लाख ९१ हजार रुपैंया बराबरको कारोबार भएको छ । आज नेप्सेमा कारोबार भएको २७७ कम्पनीको ५६ लाख २० हजार ३८१ कित्ता सेयर किनबेच भएको छ । आज नेप्सेमा रहेको सबै उपसूचक राताम्मै भएको छ ।
सेयर बजारमा गिरावट आउँदा शिभम् सिमेन्ट्सको सेयर मूल्य सर्वाधिक घटेको छ । कम्पनीको सेयर मूल्य ४.५० प्रतिशतले घटेको छ । त्यस्तै, जोशी हाइड्रोपावरको ४.३४ प्रतिशत, मेरमे माइक्रोफाइनान्सको ४.३० प्रतिशत, कालिका लघुवित्तको ४.१७ प्रतिशत र बरुण हाइड्रोपावरको ४.०५ प्रतिशतले सेयर मूल्य घटेको छ ।
वि.सं.२०८० जेठ २२ सोमवार १५:२६ मा प्रकाशित