काठमाडौं । बुधबार नेपाल स्टक एक्सचेञ्ज (नेप्से)मा भुगोल इनर्जी डेभलपमेन्ट कम्पनी र दोल्ती पावर कम्पनीको आइपीओ सूचिकृत भएको छ ।
नेप्सेमा भुगोल इनर्जी डेभलपमेन्ट कम्पनीको ५४ लाख ४० हजार ५३४ कित्ता सेयर सूचिकृत भएको हो । कम्पनीको पहिलो कारोबारका लागि ६७रुपैंया ६३ पैसा देखि अधिकतम २०२ रुपैंया ८९ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘बिइडिसी’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) १६ लाख ३२ हजार १६० कित्ता र संस्थापकहरूले लगानी गरेको ३८ लाख ८ हजार ३७४ कित्ता गरेर कुल ५४लाख ४० हजार ५३४ कित्ता साधारण सेयर सूचीकृत गराएको हो ।
त्यसैगरी, दोल्ती पावर कम्पनीको ३ लाख कित्ता सेयर सूचिकृत भएको हो । कम्पनीको पहिलो कारोबारका लागि ८७ रुपैंयादेखि अधिकतम २६१ रुपैंयासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘डिओएलटिआइ’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) १६ लाख ९ हजार ४५८ कित्ता र संस्थापकहरूले लगानी गरेको ३७ लाख ५५ हजार ४०२ कित्ता गरेर कुल ५३ लाख ६४ हजार ८६० कित्ता साधारण सेयर सूचीकृत गराएको हो ।
सूचिकृत पश्चात दुवै कम्पनीको सेयर भोली बिहीबारबाट धितोपत्र दोस्रो बजारमा कारोबार सुरु हुनेछ ।
वि.सं.२०८० जेठ २४ बुधवार १२:४५ मा प्रकाशित