काठमाडौं, २६ जेठ । नेपाल पुनर्बीमा कम्पनी लिमिटेडले आफ्नो आठौँ वार्षिक साधारणसभा बोलाएको छ।
कम्पनी सञ्चालक समितिको बैठकले वार्षिक साधारणसभा असार १५ गते काठमाडौंको कालिकास्थान अमृतभोगमा बिहान ११ः३० बजे बोलाएको हो ।
सभाले आर्थिक वर्ष २०७८/७९का लागि प्रस्तावित कुल ५ प्रतिशत लाभांश पारित गर्नेछ। जसमा ४.७५ प्रतिशत बोनस सेयर र कर प्रयोजनार्थ ०.२५ प्रतिशत नगद लाभांश रहेको छ ।
बोनस सेयर वितरणपछि जारीपुँजी र चुक्तापुँजी वृद्धि हुने भएकोले सोहीबमोजिम प्रबन्धपत्र र नियमावलीमा संशोधन गर्ने विशेष प्रस्ताव पनि सभाले पारित गर्नेछ।
सभाले आर्थिक वर्ष २०७८/७९को वार्षिक तथा लेखापरीक्षकको प्रतिवेदन पनि स्वीकृत गर्नेछ।
लाभांश र वार्षिक साधारणसभा प्रयोजनार्थ कम्पनीले असार ७ गते बुक क्लोज गर्ने निर्णय गरेको छ। यसर्थ असार ६ गतेसम्म कायम सेयरधनीहरुमात्रै यो कम्पनीको लाभांश पाउन र सभामा भाग लिन सक्नेछन्।
वि.सं.२०८० जेठ २६ शुक्रवार ११:०५ मा प्रकाशित