काठमाडौं, २८ जेठ । धितोपत्र दोस्रो बजारमा सिटी होटलको आजबाट सेयर कारोबार खुलेको छ।
नेपाल स्टक एक्सचेन्ज (नेप्से)ले तोकेको रेन्जभित्र स्पेसल प्रि–सेसनमा सिटी होटलको सेयर किनबेच भएसँगै आजबाट नियमित समयका लागि कारोबार खुलेको हो।
प्रि–सेसनमा यो होटलको सेयर १११.१० रुपैयाँमा कारोबार भएको छ। नेस्पेले पहिलो कारोबारका लागि होटललाई प्रतिकित्ता न्यूनतम ८७.८३ रुपैयाँदेखि अधिकतममा २६३.४९ रुपैयाँको ओपनिङ रेन्ज तोकेको थियो।
सिटी होटलको आईपीओ गत बिहीबार नेपाल स्टक एक्सचेन्ज (नेप्से)मा सूचीकृत भएको थियो। नेप्सेले सिटी होटललाई ‘सीआईटीवाई’ कारोबार संकेत प्रदान गरेको छ।
वि.सं.२०८० जेठ २८ आइतवार ११:३८ मा प्रकाशित
