काठमाडौं, ३१ जेठ । पछिल्लो समय सेयर बजारप्रति लगानीकर्ताको आकर्षक बढ्दै गएको हो। आईपीओबाट राम्रो आम्दानी हुने देखेपछि सेयर बजारप्रति सर्वसाधारणको क्रेज बढेको हो । सेयर बजारप्रति आकर्षक बढेसँगै यस क्षेत्रमा प्रवेश गर्ने लगानीकर्ताको संख्यामा पनि दिनप्रतिदिन बढ्दै गहिरहेको छ।
डिम्याट खाता नखोलिकन कुनै पनि कम्पनीले जारी गर्ने साधारण सेयर आईपीओ र दोस्रो बजारमा आवेदन दिन सकिने छैन् । त्यसैले पछिल्लो समय डिम्याट खाता खोल्नेको संख्या बढ्दै गएको छ ।
सीडीएससीको तथ्यांकअनुसार हालसम्म डिम्याट खाता खोल्नेको संख्या ५७ लाख १ हजार ८४२ पुगेको छ। यस अवधिमा मेरो सेयर खाता खोल्नेको संख्या पनि उल्लेख्य रुपमा बढेको छ। मेरो सेयर प्रयोगकर्ताको संख्या ४७ लाख ७६ हजार ८४२ पुगेको छ।
पछिल्लो ४ महिनाको अवधिमा करिब पौने २ लाख डिम्याट खाता थपिएका हुन् । गत माघ १५ गतेसम्म डिम्याट खाताको संख्या ५५ लाख २४ हजार ५७ रहेको थियो ।
डिम्याट खाता खोल्नेको संख्या बढेपनि यो अवधिमा १५ देखि १७ लाख डिम्याट खाता निष्क्रिय अवस्थामा रहेको सीडीएससीले जनाएको छ। कतिपय सेयर लगानीकर्ताले साधारण सेयर (आईपीओ) भर्नको लागि मात्रै डिम्याट खाता खोलेका हुन्छन् ।
तर पछिल्लो समय आईपीओ नपर्ने गरेपछि ति लगानीकर्ताले भर्न छाड्दा पनि कतिपय खाता हाल निष्क्रिय अवस्थामा रहेको देखिन्छ।
वि.सं.२०८० जेठ ३१ बुधवार ११:१३ मा प्रकाशित