काठमाडौं । बिहीबार नेपाल स्टक एक्सचेञ्ज (नेप्से)मा मेन्छियाम हाइड्रोपावर लिमिटेडको आइपीओ सूचिकृत भएको छ ।
नेप्सेमा कम्पनीको ५४ लाख २५ हजार ८३३ कित्ता सेयर सूचिकृत भएको हो । कम्पनीको पहिलो कारोबारका लागि ७७ रुपैंया ४५ पैसा देखि अधिकतम २३२ रुपैंया ३५ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एमसिएचएल’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) १६ लाख १७ हजार ७५० कित्ता र कम्पनीका संस्थापक सेयरधनीहरूले लगानी गरेको ३७ लाख ९८ हजार २३ कित्ता गरेर कुल ५४ लाख २५ हजार ८३३ कित्ता साधारण सेयर सूचीकृत गराएको हो ।
सूचिकृत पश्चात उक्त कम्पनीको सेयर आइतबारबाट धितोपत्र दोस्रो बजारमा कारोबार सुरु हुनेछ ।
वि.सं.२०८० जेठ ३२ बिहीवार १२:३८ मा प्रकाशित