काठमाडौं । थ्रीस्टार हाइड्रोपावर लिमिटेडको आईपीओ आज असार १९ गते मंगलबार बाँडफाँडभएको छ।
बिक्री प्रबन्धक हिमालयन क्यापिटलको ठमेलस्थित कार्यालयमा बिहान ९ः३० बजे थ्रीस्टार हाइड्रोपावरको आईपीओ बाँडफाँड गरिएको हो।
कम्पनीले गत असार ५ गतेदेखि असार ८ गते सर्वसाधारणका लागि आईपीओ बिक्री खुला गरेको थियो।
कम्पनीको आईपीओमा अन्तिम दिनसम्म १० लाख ९२ हजार २८९ आवेदकबाट कुल १ करोड १९ लाख ८७ हजार ३०० कित्ता सेयर खरिदका लागि आवेदन परेको छ। जुन मागभन्दा १९.५५ गुणाले बढी हो। मागभन्दा बढी आवेदन परेका कारण यो आईपीओ गोलाप्रथाबाट बाँडफाँड भएको छ ।
जसमा १० लाख २१ हजार १९८ आवेदकबाट परेको १ करोड ९ लाख ४४ हजार ५६० कित्ता सेयर सदर भएको छ भने २ हजार ८४८ आवेदकबाट परेको ३५ हजार २०० कित्ता बदर भएको छ।
जसमध्य ६१ हजार ३१६ आवेदकले १० कित्ताका दरले सेयर पाएका छन्। तिनै भाग्यमानीबाट २ जनाले थप १/१ कित्ता सेयर पाएका छन्।
कम्पनीले कर्मचारीलाई १४ हजार ७७५ कित्ता र सामूहिक लगानी कोषका लागि ३६ हजार ९३८ कित्ता सेयर छुट्याएर बाँकी ६ लाख १३ हजार १६२ कित्ताका लागि सर्वसाधारणले आवेदन दिन पाउने व्यवस्था गरेएको थियो।
वि.सं.२०८० असार १९ मंगलवार १०:०४ मा प्रकाशित
