काठमाडौं । मंगलबार नेपाल स्टक एक्सचेञ्ज (नेप्से)मा मोदी इनर्जी लिमिटेड र रावा इनर्जी डेभलपमेन्ट लिमिटेडको आइपीओ सूचिकृत भएको छ ।
नेप्सेमा मोदी इनर्जी लिमिटेडको २ करोड ९० लाख कित्ता सेयर सूचिकृत भएको हो । कम्पनीको पहिलो कारोबारका लागि ९२ रुपैंया ५७ पैसा देखि अधिकतम २७७ रुपैंया ७१ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एमइएल’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) ७२ लाख ५० हजार कित्ता र संस्थापकहरूले लगानी गरेको २ करोड १७ लाख ५० हजार कित्ता गरेर कुल २ करोड ९० लाख कित्ता साधारण सेयर सूचीकृत गराएको हो ।
त्यसैगरी, रावा इनर्जी डेभलपमेन्टको २८ लाख कित्ता सेयर सूचिकृत भएको हो । कम्पनीको पहिलो कारोबारका लागि ८३ रुपैंया १० पैसा देखि अधिकतम २४९ रुपैंया ३० पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘आरएडब्लुए’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) ८ लाख ४० हजार कित्ता र संस्थापकहरूले लगानी गरेको १९ लाख ६० हजार गरेर कुल २८ लाख कित्ता साधारण सेयर सूचीकृत गराएको हो ।
सूचिकृत पश्चात दुवै कम्पनीको सेयर भोली बुधबारबाट धितोपत्र दोस्रो बजारमा कारोबार सुरु हुनेछ ।
वि.सं.२०८० असार १९ मंगलवार १२:४२ मा प्रकाशित