काठमाडौं । साताको तेस्रो कारोबार दिन सेयर बजारमा बढोत्तरी आएको छ । उक्त दिन बजार ९.९१ अंकले बढेर २१५४ को विन्दुमा कायम हुन पुगेको हो ।
आज सेयर बजारमा सुधार आउँदा सबैभन्दा बढी स्वाबलम्बन लघुवित्तको कारोबार भएको छ । आज कम्पनीको २१ करोड ७७ लाख ३९ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्ट्सको १७ करोड ९८ लाख ६१ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन हिमालयन लाइफ इन्स्योरेन्सको १५ करोड ६३ लाख ९० हजार रुपैयाँ, सिद्धार्थ प्रिमियर इन्स्योरेन्सको ११ करोड ६६ लाख ११ हजार रुपैयाँ र एसियन लाइफ इन्स्योरेन्सको १० करोड २३ लाख ७१ हजार रुपैयाँको कारोबार भएको हो ।
वि.सं.२०८० साउन २ मंगलवार १५:१० मा प्रकाशित