काठमाडौं । कुथेली बुखरी स्मल हाइड्रोपावरको आईपीओ भोली साउन ७ गते आइतबार बाँडफाँड गरिने भएको छ। बिक्री प्रबन्धक एनएमबी क्यापिटलका अनुसार भोली बिहान ९ बजे एनएमबि क्यापिटलको कार्यालयमा बाँडफाँड गरिने भएको हो ।
कम्पनीले असार २६ गतेबाट सर्वसाधारणलाई आईपीओ बिक्री खुला गरेको थियो। सीडीएसका अनुसार यो आईपीओमा ११ लाख ८ हजार २३२ आवेदकबाट कुल १ करोड १८ लाख ९० हजार ६० कित्ता सेयर माग भएको छ। जुन मागभन्दा ११७.५४ गुणाले बढी हो।
मागभन्दा बढी आवेदन परेकै कारण यो आईपीओ गोलाप्रथाबाट बाँडफाँड गरिनेछ। जसमा भाग्यमानी १० हजार ११५ जनाले १० कित्ताका दरले सेयर पाउनेछन्। तिनै भाग्यमानीमध्ये १ जनाले थप १ कित्ता सेयर पाउनेछन्।
कम्पनीले जारी पुँजी १२ करोड १८ लाख ६७ हजार ५०० रुपैयाँको १० प्रतिशतले हुन आउने १ करोड २१ लाख ८६ हजार ७०० रुपैयाँबराबर अर्थात १०० रुपैयाँ अंकित दरका कुल १ लाख २१ हजार ८६७ कित्ता आईपीओ सर्वसाधारणका लागि छुट्याएको थियो। त्यसमध्ये १० प्रतिशतले हुन आउने १२ हजार १८६ कित्ता सेयर कम्पनीले वैदेशिक रोजगारीमा रहेका नेपालीलाई र ५ प्रतिशतले हुन आउने ६ हजार ९३ कित्ता सेयर सामूहिक लगानी कोषलाई बाँडफाँड गरिसकेको छ।
वि.सं.२०८० साउन ६ शनिवार १३:०९ मा प्रकाशित