काठमाडौं । रिलायबल नेपाल लाइफको आईपीओमा मागभन्दा १.६७ गुणा बढी आवेदन परेको छ।
सीडीएससीका अनुसार आज बुधबार अन्तिम दिन साँझसम्म २७ हजार ९१३ जना आवेदकबाट २० लाख ११ हजार ८८० कित्ता आईपीओका लागि आवेदन परेको हो। कम्पनीको आइपीओमा ५१ करोड ७० लाख ५३ हजार १६० रुपैयाँ संकलन भएको छ।
कम्पनीले वैदेशिक रोजगारमा गएकाहरुका लागि कुल १२ लाख कित्ता आईपीओ बिक्री खुला गरेको थियो।
कम्पनीले नेपाल सरकारबाट श्रम स्वीकृति लिएर वैदेशिक रोजगारमा गएकाहरुका लागि १०० रुपैयाँ अंकित मूल्यमा १५७ रुपैयाँ प्रिमियम थप गरी प्रतिकित्ता कुल २५७ रुपैयाँमा आईपीओ बिक्री खुला गरेको थियो। मागभन्दा बढी आवेदन परेकोले कम्पनीको आईपीओ गोलाप्रथाद्वारा बाँडफाँड हुनेछ।
वि.सं.२०८० साउन १० बुधवार १७:२८ मा प्रकाशित