काठमाडौं । लुम्बिनी विकास बैंक लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार बैंकले गत आर्थिक वर्षको असार मसान्तसम्ममा ६१ करोड २४ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ३.८८ प्रतिशत कम हो। गत आर्थिक वर्षको सोही अवधिसम्ममा बैंकले ६३ करोड ७१ लाख रुपैयाँ खुद नाफा आर्जन गरेको थियो।
समीक्षा अवधिमा बैंकको खुद ब्याज आम्दानी २२.३१ प्रतिशत बढेर १ अर्ब ८७ करोड ४२ लाख रुपैयाँ गरेको छ । अघिल्लो वर्षको सोही अवधिमा बैंकले १ अर्ब ५३ करोड २३ लाख रुपैयाँ खुद ब्याज आम्दानी गरेको थियो ।
समीक्षा अवधिमा बैंकको खुद फि तथा कमिशन आम्दानी ०।११ प्रतिशत बढेर १५ करोड ४१ लाख रुपैयाँ, कुल सञ्चालन आम्दानी १९.५८ प्रतिशत बढेर २ अर्ब ७ करोड ७५ लाख रुपैयाँ, सञ्चालन नाफा ७.७० प्रतिशत घटेर ८६ करोड ९३ लाख रुपैयाँ र वितरणयोग्य मुनाफा ३९ करोड २७ लाख रुपैयाँ रहेको छ ।
नाफासँगै बैंकको प्रतिशेयर आम्दानी पनि घटेको छ। अघिल्लो आर्थिक वर्षको चौथो त्रैमाससम्म १९ रुपैयाँ ४० पैसा रहेको बैंकको यस्तो आम्दानी, गत आर्थिक वर्षको सोही अवधिसम्ममा १ रुपैयाँ ३० पैसा घटेर १८ रुपैयाँ ११ पैसामा झरेको छ। सो अवधिसम्ममा बैंकको मूल्य आम्दानी अनुपात २२.८१ प्रतिशत रहेको छ भने प्रतिशेयर नेटवर्थ १८२ रुपैयाँ १७ पैसा रहेको छ।
असार मसान्तसम्ममा बैंकको चुक्तापँजी ३ अर्ब ३८ करोड रुपैयाँ, जगेडा कोष २०.२२ प्रतिशत बढेर २ अर्ब ७७ करोड रुपैयाँ, निक्षेप संकलन १४।६० प्रतिशत बढेर ४९ अर्ब १३ करोड २० लाख रुपैयाँ र कर्जा प्रवाह ९.१८ प्रतिशत बढेर ४१ अर्ब ५६ करोड रुपैयाँ पुगेको छ ।
वि.सं.२०८० साउन १२ शुक्रवार ०६:५६ मा प्रकाशित
