काठमाडौ. । साताको दोस्रो कारोबार दिन सेयर बजारमा सामान्य सुधार आएको छ । उक्त दिन बजार ५.८४ अंकले बढेर २१०६ को विन्दुमा कायम हुन पुगेको हो ।
आज सेयर बजारमा सुधार आउँदा सबैभन्दा बढी शिभम् सिमेन्ट्सको कारोबार भएको छ । आज कम्पनीको ८ करोड ८८ लाख ६६ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सोल्टी होटलको ५ करोड ४७ लाख ६० हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन एसियन लाइफ इन्स्योरेन्सको ४ करोड ९१ लाख ९० हजार रुपैयाँ, हिमालयन लाइफ इन्स्योरेन्सको ४ करोड ६१ लाख ३३ हजार रुपैयाँ र एनआइसी एशिया बैंकको ४ करोड ३० लाख ३१ हजार रुपैयाँको कारोबार भएको हो ।
वि.सं.२०८० साउन १५ सोमवार १५:१२ मा प्रकाशित