काठमाडौं । नेपाल रिपब्लिक मिडिया र आइएमई लाइफ इन्स्योरेन्सको पहिलो कारोबार सेयर कारोबार साउन २१ गते आइतबारबाट धितोपत्र दोस्रो बजारमा खुलेको छ।
नेप्सेमा आइएमई लाइफको शेयर प्रतिकित्ता ५२९ रुपैयाँ ५० पैसामा पहिलो कारोबार भएको छ । नेप्सेले पहिलो कारोबारका लागि आइएमई लाइफलाई न्युनतम १७६ रुपैयाँ ५३ पैसा देखि ५२९ रुपैयाँ ५९ पैसासम्म तोकेको थियो ।
नेपाल रिपब्लिक मिडियाको प्रतिकित्ता २५० रुपैयाँ ४० पैसामा पहिलो कारोबार भएको छ। कम्पनीलाई न्युनतम ८४ रुपैयाँ ४७ पैसा देखि २५३ रुपैयाँ ४१ पैसासम्मको ओपनिङ्ग रेन्ज प्रदान गरेको थियो।
यी दुई कम्पनीको शेयर गत बिहीबार अर्थात साउन १८ गते नेप्सेमा सूचीकृत भएको थियो । सोही ओपनिङ्ग रेञ्जका आधारमा यस दिन यी कम्पनीहरुको पहिलो कारोबार भएको हो।
वि.सं.२०८० साउन २१ आइतवार १०:५८ मा प्रकाशित
