काठमाडौं । बीसवटै वाणिज्य बैंकहरुले आर्थिक वर्ष २०७९/८० को अपरिस्कृत वित्तीय विवरण सार्वजनिक गरिसकेका छन् ।
प्रकाशित विवरण अनुसार बैंकहरुको लाभांश क्षमता औषत साढे १२.५५ प्रतिशत रहेको तथ्याङ्कले देखाएको छ ।
लाभांश क्षमतामा सबैभन्दा अगाडि एभरेष्ट बैंक देखिएको छ । यो बैंकले समीक्षा अवधिका लागि लगानीकर्तालाई ४०.५ प्रतिशतसम्म लाभांश बाँड्न सक्छ । यस्तै, दोस्रोमा एनआईसी एशिया बैंकको लाभांश क्षमता ३१.९९ प्रतिशत रहेको छ ।
त्यसैगरी, स्ट्याण्डर्ड चार्टर्ड बैंकको २९ प्रतिशत, कृषि विकास बैंकको १९.८९ प्रतिशत, सानिमा बैंकको १७.७३ प्रतिशत, माछापुच्छ्रे बैंकको १५.२९ प्रतिशत र नेपाल एसबिआई बैंकको १३.९३ प्रतिशत लाभांश क्षमता देखिन्छ । बैंकहरूले सार्वजनिक गरेको वित्तीय विवरणमा पनि लाभांश क्षमता उल्लेख छ ।
यस्तै, सिटिजन्स बैंकको ७.३ प्रतिशत, नेपाल बैंकको ६.६२ प्रतिशत, सिद्धार्थ बैंकको ५.६५ प्रतिशत, प्राइम बैंकको १.०६ प्रतिशत, प्रभु बैंकको ०.६९ प्रतिशत र नेपाल इन्भेष्टमेन्ट मेगा बैंकको ०.४६ प्रतिशत लाभांश क्षमता रहेको छ । यस्तै, दुइटा बैंकको वितरणयोग्य नाफा ऋणात्मक भएकाले लाभांश क्षमता पनि ऋणात्मक छ । हिमालयन बैंकको ३.२८ प्रतिशत र कुमारी बैंकको ३.२३ प्रतिशत लाभांश क्षमता ऋणात्मक भएको हो ।
प्रभु र नेपाल इन्भेष्टमेन्ट मेगा बैंकको लाभांश क्षमता शुन्य छ । प्राइम कमसिर्ययल बैंकको १ प्रतिशत भएकोले पनि यी बैंकले लाभांश वितरण नगर्न सक्छन् । यस्तै, ऋणात्मक अवस्थामा रहेका कुमारी र हिमालयन बैंकले पनि लाभांश दिन सक्ने अवस्था छैन ।
वि.सं.२०८० साउन २१ आइतवार १६:०६ मा प्रकाशित