काठमाडौं । साताको पहिलो कारोबार दिन सेयर बजारमा दोहोरो अंकको गिरावट आएको छ । उक्त दिन बजार ३८.३७ अंकले घटेर २०५१ को विन्दुमा कायम हुन पुगेको हो ।
आइतबार सेयर बजारमा २ अर्ब ६८ करोड ७१ लाख ४८ हजार रुपैंया कारोबार भएको छ ।आज नेप्सेमा कारोबार भएको २६५ कम्पनीको ८० लाख ७ हजार ३६१ कित्ता सेयर किनबेच भएको छ । आज नेप्सेमा रहेको सबै उपसूचक राताम्मै भएको छ ।
सेयर बजारमा गिरावट आउँदा प्रोग्रेसिभ फाइनान्सको सेयर मूल्य सर्वाधिक घटेको छ । कम्पनीको सेयर मूल्य ९.५० प्रतिशतले घटेको हो । त्यसैगरी, अभियान लघुवित्तको ८.०४ प्रतिशत, सपोर्ट लघुवित्तको ७.१४ प्रतिशत, बेष्ट फाइनान्सको ६.८९ प्रतिशतले सेयर मूल्य घटेको छ ।
वि.सं.२०८० साउन २१ आइतवार १५:२५ मा प्रकाशित