काठमाडौं । साताको पहिलो कारोबार दिन सेयर बजारमा दोहोरो अंकको गिरावट आएको छ । उक्त दिन बजार ३८.३७ अंकले घटेर २०५१ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी सानिमा बैंकको कारोबार भएको छ । आज कम्पनीको १२ करोड ६९ लाख ८२ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको एभरेष्ट बैंकको १२ करोड २१ लाख २४ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन एनआइसी एशिया बैंकको ११ करोड १२ लाख ८८ हजार रुपैयाँ, शिभम् सिमेन्ट्सको ९ करोड ८८ लाख ७ हजार रुपैयाँ र ग्लोबल आइएमई बैंकको ८ करोड ५५ लाख ७७ हजार रुपैयाँको कारोबार भएको हो ।
वि.सं.२०८० साउन २१ आइतवार १५:१५ मा प्रकाशित