काठमाडौं । साविकको विजय लघुवित्त वित्तीय संस्था र नयाँ सारथी लघुवित्त वित्तीय संस्था मर्जर पश्चात कायम शेयर नेप्सेमा सूचीकृत भएको छ । मर्जर पश्चात विजय लघुवित्त वित्तीय संस्थाको नाममा ३६ लाख १० हजार ४०३.५९ कित्ता शेयर नेप्सेमा सूचीकृत भएको हो ।
लघुवित्त संचालक समितिको साउन २१ गतेको निर्णय अनुसार विजय लघुवित्त वित्तीय संस्थाको नाममा सूचीकरण भई मर्जर प्रयोजनको लागि रोक्का रहेको शेयर कारोबार पनि फुकुवा गरेको नेप्सेले जनाएको छ ।
लघुवित्तको शेयरलाई नेप्सले भिएबिएस कारोबार संकेत प्रदान गरेको छ । यस्तै नेप्सेले साविकको नयाँ सारथी लघुवित्तको शेयर सूचीकरण खारेज गरेको पनि जनाएको छ ।
लघुवित्तको शेयरलाई नेप्सेले पहिलो कारोबारको लागि ७०३.५५ पैसा ओपनिङ्ग रेन्ज प्रदान गरेको छ । सोही रेन्ज रहेर कम्पनीको शेयर भोलि सोमबारदेखि कारोबार खुल्नेछ ।
वि.सं.२०८० साउन २१ आइतवार १७:५० मा प्रकाशित