काठमाडौं । कृषि विकास बैंकले आफ्नो अपरिस्कृत वित्तीय विवरणमा भएको त्रुटीलाई सच्याएको छ । बैंकले शनीबार प्रकाशित विवरणमा वितरणयोग्य आम्दानी प्रति शेयरको विवरण अन्यथा उल्लेख भएकोले आज भुल सुधार भन्दै विवरण सच्याएको हो ।
बैकले प्रकाशित गरेको वित्तीय विवरणमा वितरणयोग्य आम्दानी प्रतिसेयर १९.८९ रुपैयाँ उल्लेख थियो। अघिल्लो वर्ष यो ३५.६१ रुपैयाँ रहेको विवरण सार्वजनिक गरिएको थियो।
बैंकले आज एक सूचना प्रकाशित गरी गत आर्थिक वर्षको चौथो त्रैमासमा वितरणयोग्य आम्दानी प्रतिसेयर १४.९२ रुपैयाँ र अघिल्लो वर्ष सोही अवधिमा २६.७० रुपैयाँ रहेको भनी सच्चाएको हो।
वि.सं.२०८० साउन २२ सोमवार १०:३२ मा प्रकाशित
