काठमाडौं । शाइन रेसुंगा डेभलपमेन्ट बैंकले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ ।
गत आर्थिक वर्षको चौथो त्रैमाससम्म आइपुग्दा बैंककोे खुद नाफा २१.२९ प्रतिशतले बढेर ७८ करोड ६८ लाख २६ हजार रुपैयाँ पुगेको छ ।
अघिल्लो वर्षको यसैअवधिमा यसले ६४ करोड ८७ लाख ७ हजार रुपैयाँ खुद नाफा कमाएको थियो । समिक्षा अवधिमा बैंकको खुद ब्याज आम्दानी २६.८७ प्रतिशतले बढेर २ अर्ब १० करोड ९९ लाख ८७ हजार रुपैयाँ पुगेको छ ।
बैंकको सञ्चालन नाफा २८.८४ प्रतिशतले बढेर १ अर्ब १३ करोड ३८ लाख २७ हजार रुपैयाँ पुगेको छ । असार मसान्तसम्म आइपुग्दा नाफासँगै प्रतिसेयर आम्दानी पनि बढेको छ । बैंकको प्रतिसेयर आम्दानी १ रुपैयाँ २१ पैसाले बढेर १८ रुपैयाँ ३७ पैसा पुगेको छ ।
वि.सं.२०८० साउन २२ सोमवार १२:०३ मा प्रकाशित