काठमाडौं । साताको दोस्रो कारोबार दिन सेयर बजारमा गिरावट आएको छ । उक्त दिन बजार ५.०२ अंकले घटेर २०७५ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी आइएमई लाईफ इन्स्योरेन्सको कारोबार भएको छ । आज कम्पनीको ११ करोड २४ लाख ४१ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सोल्टी होटलको २३ करोड १५ लाख ६८ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन घोराही सिमेन्ट इन्डस्ट्रीको ८ करोड ९८ लाख ४ हजार रुपैयाँ, माछापुच्छ्रे बैंकको ६ करोड ५५ लाख २५ हजार रुपैयाँ र सानिमा बैंकको ५ करोड ९४ लाख ८१ हजार रुपैयाँको कारोबार भएको हो ।
वि.सं.२०८० साउन २९ सोमवार १५:११ मा प्रकाशित