काठमाडौं । नेपाल स्टक एक्सचेन्ज (नेप्से)मा धौलागिरी लघुवित्त वित्तीय संस्थाको शेयर सूचीकृत भएको छ ।
साबिक धौलागिरी लघुवित्त र खप्तड लघुवित्त एक आपसमा मर्ज भई धौलागिरी लघुवित्तको नाममा कुल ३ लाख कित्ता सेयर नेप्सेमा सूचीकृत भएको छ। नेप्सेको आजको निर्णयबाट मर्जर प्रक्रियाका लागि रोक्का रहेको कम्पनीको सेयर कारोबार फुकुवा भएको छ।
मर्जरपछि धौलागिरी लघुवित्तको नाममा सेयर कारोबारमा आउनेछ। यी दुवै कम्पनी १ः०.७५ को अनुपातमा मर्ज भएका छन्।
यो कम्पनीलाई नेप्सेले डिएलबिएस कारोबार संकेत प्रदान गरेको छ। पहिलो कारोबारका लागि भने नेप्सेले प्रतिकित्ता १६८.६१ रुपैयाँ ओपनिङ रेन्ज तोकेको छ।
वि.सं.२०८० साउन ३० मंगलवार १५:३२ मा प्रकाशित
