काठमाडौं । अरुण भ्याली हाइड्रोपावर डेभलपमेन्ट कम्पनी हकप्रद सेयर निष्कासनको अनुमति माग्दै नेपाल धितोपत्र बोर्ड (सेबोन) मा निवेदन दिएको छ ।
अरुण भ्याली हाइड्रोपावरले चुक्तापुँजीको १०० प्रतिशत हकप्रद सेयर जारी गर्न अनुमति माग्दै सेबोनमा गत साउन २४ गते निवेदन दिएको हो। सेबोनले अनुमति दिएमा यो कम्पनीले १ः१ अनुपातमा हकप्रद ल्याउनेछ।
कम्पनीको चुक्तापुँजी १ अर्ब ८६ करोड ७९ लाख ६२ हजार ६०० रुपैयाँ रहेको छ। सेबोनले अनुमति दिएमा यो कम्पनीले १०० अंकित दरका कुल १ करोड ८६ लाख ७९ हजार ६२६ कित्ता हकप्रद आफ्ना सेयरधनीहरुलाई बिक्री गर्नेछ। अरुण भ्याली हाइड्रोपावरको हकप्रद बिक्री प्रबन्धकमा मुक्तिनाथ क्यापिटल रहेको छ।
वि.सं.२०८० साउन ३० मंगलवार १६:३८ मा प्रकाशित