काठमाडौं । साताको चौथो कारोबार दिन सेयर बजारमा दोहोरो अंकको गिरावट आएको छ । उक्त दिन बजार २०.३१ अंकले घटेर २०२५ को विन्दुमा कायम हुन पुगेको हो ।
बुधबार सेयर बजारमा १ अर्ब ६७ करोड ९९ लाख ८० हजार रुपैंया कारोबार भएको छ ।आज नेप्सेमा कारोबार भएको २७९ कम्पनीको ४८ लाख ३८ हजार १०६ कित्ता सेयर किनबेच भएको छ । आज नेप्सेमा रहेको १३ वटै उपसूचकमा राताम्मै भएको छ ।
सेयर बजारमा गिरावट आउँदा माउन्टेन हाइड्रो नेपालले सर्वाधिक गुमाएको छ । कम्पनीको सेयर मूल्य ८.०६ प्रतिशतले घटेको हो । त्यसैगरी, श्वेत गंगा हाइड्रोपावरको ८.०३ प्रतिशत, धौलागिरी लघुवित्तको ७.८९ प्रतिशत, एनआइबिएल ग्रोथ फण्डको ६.५० प्रतिशत, मिर्मिरे लघुवित्तको ५.२४ प्रतिशतले सेयर मूल्य घटेको छ ।
वि.सं.२०८० साउन ३१ बुधवार १५:२० मा प्रकाशित