काठमाडौं । आइतबार नेपाल स्टक एक्सचेञ्ज (नेप्से)मा कुथेली बुखरी स्मल हाइड्रोपावर लिमिटेडको आइपीओ सूचिकृत भएको छ ।
नेप्सेमा कम्पनीको १२ लाख १८ हजार ६७५ कित्ता सेयर सूचिकृत भएको हो । कम्पनीको पहिलो कारोबारका लागि १५९ रुपैंया ६७ पैसा देखि अधिकतम ४७९ रुपैंया ०१ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘केबिएसएल’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) २ लाख ४३ हजार ७३५ कित्ता र कम्पनीका संस्थापक सेयरधनीहरूले लगानी गरेको ९ लाख ७४ हजार ९४० कित्ता गरेर कुल १२ लाख १८ हजार ६७५ कित्ता साधारण सेयर सूचीकृत गराएको हो ।
सूचिकृत पश्चात उक्त कम्पनीको सेयर भोली सोमबारबाट धितोपत्र दोस्रो बजारमा कारोबार सुरु हुनेछ ।
वि.सं.२०८० भदौ ३ आइतवार ११:३८ मा प्रकाशित