काठमाडौं । साताको तेस्रो कारोबार दिन सेयर बजारमा सुधार आएको छ । उक्त दिन बजार १७.६९ अंकले बढेर २०१५ को विन्दुमा कायम हुन पुगेको हो ।
आज सेयर बजारमा सुधार आउँदा सबैभन्दा बढी कुमारी बैंकको प्रमोटर सेयरको कारोबार भएको छ । आज कम्पनीको २८ करोड ५९ लाख १९ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको यूनाइटेड अजोड इन्स्योरेन्सको ५ करोड ४१ लाख ९३ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन शिभम् सिमेन्ट्सको ४ करोड ६२ लाख ८५ हजार रुपैयाँ, सोल्टी होटलको ४ करोड १४ लाख ९ हजार रुपैयाँ र घोराही सिमेन्ट्स इन्डस्ट्रीको ३ करोड ६८ लाख ९१ हजार रुपैयाँको कारोबार भएको हो ।
वि.सं.२०८० भदौ ५ मंगलवार १५:०४ मा प्रकाशित