काठमाडौं । माण्डु हाइड्रोपावरले दोस्रो बजारमा पहिलो कारोबारको लागि नेपाल स्टक एक्सचेन्ज (नेप्से) बाट प्रतिकित्ता न्यूनतम १२४ रुपैयाँ ४२ पैसा देखि अधिकतम ३७३ रुपैयाँ २६ पैसासम्म ओपनिङ रेन्ज पाउने देखिएको छ।
नेप्सेले कुनै पनि कम्पनीको पहिलो सेयर करोबारको लागि प्रतिसेयर नेटवर्थको विन्दुदेखि त्यसको तीन गुणासम्मको विन्दुलाई लिएर ओपनिङ रेञ्ज तोक्ने भएकाले कम्पनीले उक्त मूल्य रेञ्ज पाउने भएको हो ।
माण्डु हाइड्रोपावरको आइपीओ बाँडफाँड भइसकेको छ। मागभन्दा बढी आवेदन परेका कारण कम्पनीको आईपीओ गोलाप्रथाबाट बाँडफाँड भएको हो। जसमा १ लाख २० हजार ५३२ आवेदकले १० कित्ताका दरले सेयर पाएका छन्।
यतिबेला सेयर पाएका सेयरधनीहरुमा कम्पनीको आईपीओले पहिलो कारोबारका लागि ओपनिङ रेन्ज कति पाउला भन्ने कौतुहलताको विषय बनेको छ।
वि.सं.२०८० भदौ २५ सोमवार १३:०६ मा प्रकाशित