काठमाडौं । लाइफ इन्स्योरेन्स कर्पोरेसन (एलआईसी) नेपालले आर्थिक वर्ष २०७८/७९को मुनाफाबाट सेयरधनीहरुलाई लाभांश वितरण नगर्ने भएको छ।
कम्पनी सञ्चालक समितिको सोमबार साँझ बसेको बैठकले लाभांश वितरण नगर्ने निर्णय गरेको हो।
कम्पनीले उक्त आर्थिक वर्षको वासलात, नाफा/नोक्सान हिसाब तथा नगद प्रवाह विवरणलगायतका विवरणहरुमाथि छलफल गरी स्वीकृतिका लागि नियामक निकाय नेपाल बीमा प्राधिकरणसमक्ष पेस गर्ने निर्णय भएको कम्पनी सचिव सुदर्शन गिरीले जानकारी दिए। ‘ एलआईसी नेपालले आर्थिक वर्ष २०७७/७८मा पनि लाभांश वितरण गरेको थिएन।
वि.सं.२०८० भदौ २६ मंगलवार १०:३४ मा प्रकाशित