काठमाडौं । सिड इनर्जी लिमिटेडले प्रिमियममा आइपीओ निष्काशन गर्ने भएको छ । सोही प्रस्ताव सहित कम्पनीले वार्षिक साधारण सभा बोलाएको छ । सभा असोज १७ गते होटल स्क्वायर, पुल्चोक, ललितपुरमा दिउँसो २ बजेदेखि सुरु हुनेछ ।
सभामा सर्वसाधारणलाई छुट्याएको सेयर अंकित मूल्य वा प्रिमियम सहित निष्कासन गर्ने प्रस्ताव पेश हुनेछ । कम्पनीले लाभांश सम्बन्धी कुनै प्रस्ताव गरेको छैन ।
सभामा आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ । आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ ।
वि.सं.२०८० भदौ २७ बुधवार ११:२५ मा प्रकाशित
