काठमाडौँ, १ असोज : प्रभु म्युचुअल फन्डअन्तर्गत सञ्चालित ‘प्रभु सेलेक्ट फन्ड’ले लाभांश वितरणार्थ बुक क्लोजको मिति तय गरेको छ।
योजना व्यवस्थापक प्रभु क्यापिटलले उक्त म्युचुअल फन्डको लाभांश वितरणार्थ यही असोज १२ गते एक दिन बुक क्लोज गर्ने निर्णय गरेको हो। यसर्थ असोज ११ गतेसम्म कायम इकाइधनीहरुले यो म्युचुअल फन्डको लाभांश पाउनेछन्।
प्रभु सेलेक्ट फन्डका इकाइधनीहरुलाई ९.५० प्रतिशत (करसहित) नगद लाभांश वितरण गर्ने निर्णय प्रभु क्यापिटलले गरेको छ।
वि.सं.२०८० असोज १ सोमवार ११:१४ मा प्रकाशित
