काठमाडौं । ओरियन्टल होटेल्स लिमिटेडले लाभांश प्रस्ताव गरेको छ।
कम्पनीको सञ्चालक समितिको असोज १ गते सोमबार बसेको बैठकले गत आर्थिक वर्षको नाफाबाट हालको चुक्तापुँजीको ५.२६३२ प्रतिशत नगद लाभांश (करसहित) वितरण गर्ने निर्णय गरेको हो।
यसैगरी सञ्चालक समितिको बैठकले आफ्नो २६ औँ वार्षिक साधारणसभा पनि बोलाएको छ। सभा यही असोज २५ गते ललितपुरको जावलाखेलस्थित नेपाल प्रशासनिक प्रशिक्षण प्रतिष्ठानमा बिहान ११ बजेबाट सुरु हुनेछ।
सभाले प्रस्तावित लाभांश अनुमोदन गर्नेछ। सभाले गत आर्थिक वर्षको वार्षिक तथा लेखापरीक्षकको प्रतिवेदन पनि पारित गर्नेछ।
लाभांश र वार्षिक साधारणसभा प्रयोजनार्थ कम्पनीले असोज १२ गतेदेखि असोज २५ गतेसम्म बुक क्लोज गर्ने निर्णय गरेको छ। यसर्थ असोज ११ गतेसम्म कायम सेयरधनीहरुमात्रै कम्पनीको लाभांश पाउन र सभामा भाग लिन सक्नेछन् ।
वि.सं.२०८० असोज २ मंगलवार १३:५१ मा प्रकाशित