काठमाडौं । जोशी हाइड्रोपावर डेभलपमेन्टको साधारण सभा स्थगित भएको छ । गणपूरक संख्या नपुगेपछि भदौ ३१ गते बोलाइएको सभा स्थगित भएको हो ।
अब अर्को साधारण सभा बसेर प्रस्तावित एजेन्डा पारित गर्नुपर्ने हुन्छ । स्थगित भएको सभाको मिति यथाशिघ्र तय गरी सेयरधनीलाई सुचना मार्फत जानकारी गराउने कम्पनीले जानकारी दिएको छ ।
सभाले कम्पनीको जारी पुँजीको १ः०.६५ अनुपातमा अर्थात ६५ प्रतिशत हकप्रद सेयर जारी गर्ने प्रस्ताव पारित गर्नेछ। विद्युत नियमन आयोगले गत साउन १५ गते यो कम्पनीलाई हकप्रद सेयर जारी गर्ने प्रस्ताव वार्षिक साधारणसभा पेस गर्न अनुमति दिएको थियो।
हकप्रद जारीपछि कम्पनीको पुँजी वृद्धि हुने भएकोले सोहीबमोजिम प्रबन्धपत्र र निमायवलीमा संशोधन गर्ने प्रस्ताव पनि सभाले पारित गर्नेछ।
सभाले आर्थिक वर्ष २०७८/७९को वार्षिक तथा लेखापरीक्षकको प्रतिवेदन पनि स्वीकृत गर्नेछ।
वि.सं.२०८० असोज २ मंगलवार १४:०४ मा प्रकाशित
