काठमाडौं । सिद्धार्थ क्यापिटलले लाभांश घोषणा गरेको छ।
कम्पनी सञ्चालक समितिको बसेको बैठकले गत आर्थिक वर्षको मुनाफाबाट सेयरधनीहरुलाई हाल कायम चुक्तापुँजीको २५ प्रतिशत नगद लाभांश (करसहित) वितरण गर्ने निर्णय गरेको हो।
यसैबीच सञ्चालक समितिको बैठकले आफ्नो १२औँ वार्षिक साधारणसभा पनि बोलाएको छ। सभा असोज २५ गते काठमाडौंको नक्सालस्थित सिद्धार्थ क्यापिटलमा अपराह्न ४ बजेबाट सुरु हुनेछ।
सभाले प्रस्तावित लाभांश स्वीकृत गरेपछि सेयरधनीहरुले पाउनेछन्। सोही सभाले उक्त आर्थिक वर्षमा कम्पनीको संस्थागत सामाजिक उत्तरदायित्वअन्तर्गत खर्च गरिएको रकम २ करोड ६८ लाख ५ रुपैयाँ पारित गर्नेछ। सभाले उक्त आर्थिक वर्षको वार्षिक तथा लेखापरीक्षकको प्रतिवेदन पनि अनुमोदन गर्नेछ।
वि.सं.२०८० असोज ४ बिहीवार १०:१३ मा प्रकाशित