काठमाडौं । सेयर धितो कर्जाको सीमा पुनरावलोकन हुने खबरले बिहीबार सेयर बजारमा उछाल आएको छ। बिहीबार बजार ४४.३४ अंकले बढेर २०२९ को विन्दुमा कायम हुन पुगेको हो ।
आज सेयर बजार बढ्दा सबैभन्दा बढी सन नेपाल लाइफ इन्स्योरेन्सको कारोबार भएको छ । आज कम्पनीको २० करोड १८ लाख ३६ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको रिलायबल नेपाल लाइफ इन्स्योरेन्सको १३ करोड ९६ लाख ५८ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन शिभम् सिमेन्टको १० करोड ५२ लाख ७९ हजार रुपैयाँ, एनआइसी एशिया बैंकको ९ करोड ५६ लाख ५९ हजार रुपैयाँ र हिमाल दोलखा हाइड्रोपावरको ९ करोड ५१ लाख २५ हजार रुपैयाँको कारोबार भएको हो ।
वि.सं.२०८० असोज ४ बिहीवार १५:११ मा प्रकाशित